"Оюутолгой" ХХК-иас хоёрдугаар улирлын тайлангаа танилцууллаа (2024.08.21). Хоёрдугаар улиралд олборлосон зэсийн хэмжээ 23 хувиар өссөн байна. Мөн гүний уурхайгаас 2.02 хувийн зэсийн дундаж агуулгатай 1.5 сая тонн хүдэр, ил уурхайгаас 0.37 хувийн зэсийн дундаж агуулгатай 9.3 сая тонн хүдэр олборложээ. Оюутолгой уурхайн бусад мэдээллийг хүргэе.
2024 оны хоёрдугаар улиралд 52,531 тонн баяжмал дахь зэс, 46,884 унц баяжмал дахь алт үйлдвэрлэв.
2028 оноос нэг жилд олборлох зэсийн хэмжээг 500 мянган тонн (цэвэр металл) хүргэхээр төлөвлөсөн. Энэхүү төлөвлөгөөнд хүрэх зорилгод 2024 онд нийтдээ 7,555 метр хөндлөн малталт хийжээ.
Хүдрийн биетийг гүний уурхайг газрын гадарга руу тээвэрлэх туузан дамжуургын ажил 97 орчим хувийн гүйцэтгэл хүрсэн байна.
Анхдагч бутлуур 2-ын барилгын ажил хэвийн үргэлжилж байгаа бөгөөд 2025 оны эцэс гэхэд дуусах төлөвлөөтэй байна.
Оюутолгой уурхай нэг тонн хүдэр боловсруулахад 0.55 шоо метрээс бага ус ашигладаг. Харин хоёрдугаар улиралд 0.33 шоо метр ус ашиглажээ.
