Засгийн газрын ээлжит хуралдаанаар яригдсан мэдээллийг Сангийн сайд Б.Жавхлан өнөөдөр (2025.04.02) танилцууллаа.
Тэрээр хэлэхдээ "Өчигдрийн байдлаар Монгол Улсын валютын нөөц 5 тэрбум ам.долларт хүрлээ. Өмнө нь 2022 оны 11 дүгээр сард 5 тэрбум ам.долларт хүрч байсан. Мөн өнгөрсөн оны жилийн эцэст хүрсэн. Одоо гурав дахь удаагаа валютын нөөц 5 тэрбум ам.долларыг давлаа. Цаашдаа үүнийг тогтвортой барих, нөөцийг хамгаалах, нэмэгдүүлэх чиглэлд ажиллана.
Валютын нөөц 5 тэрбум ам.долларт хүрэхэд Монгол Улсын Засгийн газрын өр, Монголбанкны өр нэмэгдээгүй гэдгийг албан ёсоор хэлье. Хятадын Төв банктай юань-төгрөгийн своп гэрээ байдаг. Төв банкны нөөцийн хэрэгсэл. Одоогоор энэ хэрэгсэлд хүрээгүй байна. Тэр хэрэгслийг ашиглах нь нээлттэй. Ойрын хугацаанд шийдэл байхгүй. Гуравдугаар сарын 31-ний биет хэмжээ өнгөрсөн оны 1-р улиралтай харьцуулахад буураагүй. Үнийн хувьд цохилт авч байна. Нөхөх боломжууд байгаа." гэв.
