Украйнд дайн дэгдсэнээс хойш Оросын газрын тос, нефтийн бүтээгдэхүүн, хий болон нүүрсний Хятадын импорт нэмэгджээ. Энэ оны хоёрдугаар улиралд Хятад нийт 35 тэрбум ам.долларын газрын тос, газрын тосны бүтээгдэхүүн, хий, нүүрс Оросоос импортолсон байна. Өнгөрсөн оны мөн үед тухайн импортод Хятад 20 тэрбум ам.доллар зарцуулжээ.Хятадын импортын өсөлт нь түүхий эдийн үнэ нэмэгдсэнээс гадна дэлхийн зарим орнууд Оросын түүхий эд, түлшнээс татгалзсантай холбоотой. Долоодугаар сарын үзүүлэлтээр Хятад 20396 тонн (-20%) цэвэршүүлсэн зэс, 3286 тонн (-10%) никель, 39053 тонн (+16%) хөнгөн цагаан, 2350 кг (+29%) цагаан алт тус тус импортолсон байна.
