Канад Улсын Парламентын Сенатын танхимын дарга Жорж Ж.Фюри Монгол Улсад албан ёсны айлчлалын хүрээнд Ерөнхий сайд Л.Оюун-Эрдэнэтэй уулзалт хийв. Монгол Улсын “гуравдагч хөрш”-ийн бодлогын хүрээнд Канад Улстай хөгжүүлж буй “Өргөн хүрээтэй түншлэл”-ийг түвшин ахиулах, “Иж бүрэн түншлэлийн төлөөх Монгол, Канадын хамтын ажиллагааны Замын зураглал”-ын хэрэгжилтийг хангах, хоёр талын яриа хэлэлцээний механизмуудаар хэрэгжүүлэхээр тохиролцсон арга хэмжээг ажил хэрэг болгоход Канадын хууль тогтоох дээд байгууллагын зүгээс бүх талын дэмжлэг үзүүлнэ гэдэгт итгэлтэй байгаагаа Ерөнхий сайд илэрхийлжээ.
“Алсын хараа-2050” Монгол Улсын урт хугацааны хөгжлийн бодлого болон эдийн засгийн харaат бус, бие даасан байдлыг бэхжүүлэх зорилгоор Засгийн газраас “Шинэ сэргэлтийн бодлого”-ыг тодорхойлон хэрэгжүүлж буйг онцолсон байна. Монгол, Канадын худалдаа, эдийн засаг, хөгжлийн хамтын ажиллагааг өргөжүүлэх, Монгол Улсад Канадын хөрөнгө оруулалтыг нэмэгдүүлэх, хамтарсан төсөл, хөтөлбөр хэрэгжүүлэх нөөц бололцоог бүрэн ашиглахын чухлыг тэмдэглэжээ.
Засгийн газраас 2023 оныг Монголд зочлох жил болгон зарлаж, Аялал жуулчлалын үндэсний хороог Ерөнхий сайд удирдана. Өвлийн аялал жуулчлалыг хөгжүүлэхэд Канад Улсын туршлагаас суралцах зүйл их гэдгийг цохсон байна.
Канад Улсын Парламентын Сенатын танхимын дарга Жорж Ж.Фюри Монгол Улс дэлхий дахинд ардчиллын төлөөх гэрэлт цамхаг байсаар ирснийг тодотгожээ. Мөн хоёр улсын хууль тогтоох дээд байгууллагын харилцаа холбоог идэвхжүүлэх нь Монгол, Канадын хамтын ажиллагааны эрх зүйн таатай орчныг бүрдүүлэхэд чухал ач холбогдолтойг онцолсон байна. Канад, Монголын харилцаа, хамтын ажиллагаа олон салбарт гүнзгийрэн хөгжиж байгаад баяртай байгаагаа илэрхийлэв.
Уулзалтын үеэр талууд 2023 онд тохиох Монгол Улс, Канад Улсын хооронд дипломат харилцаа тогтоосны 50 жилийн ойг хамтран тэмдэглэх, албан ёсны айлчлал, уулзалт, арга хэмжээ олныг зохион байгуулахын төлөө байгаагаа харилцан нотлов. Түүнчлэн хоёр талын хамтын ажиллагааг цаашид уул уурхайгаас гадна аялал жуулчлал, хөдөө аж ахуй, боловсрол, соёл, байгаль орчин, зам, барилга, эрчим хүч гээд харилцан ашигтай бүхий л салбарт өргөжүүлэх чиглэлээр ярилцсан талаар
