Э.МИШЭЭЛСаудын Арабын Мааден компани өнгөрсөн долоо хоногт Мансура Массара алтны уурхайн урд хэсэгт өндөр агуулгатай алтны орд илрүүлснээ зарлалаа. Улмаар тус бүсэд алтны олборлолтыг өргөжүүлэх боломжтойг харуулж байна хэмээн компанийн зүгээс мэдээлжээ.
Мансура Массарагаас 400 метрийн зайд санамсаргүй өрөмдлөгийн хоёр талбайд тонн тутамд 10.4 грамм, 20.6 грамм өндөр агуулгатай алтны орд байгааг илрүүлжээ.
Энэхүү үйл явдал нь 2022 оноос эхлүүлсэн хайгуулын хөтөлбөрийн анхны олдвор болсон хэмээн Мааден мэдэгдсэн байна. Одоо үйл ажиллагаа явуулж байгаа Мансура Массара нь бараг 7 сая унц алтны нөөцтэй, жилд 250 мянган унц алт үйлдвэрлэх хүчин чадалтай аж. Мааденыг Саудын Арабын Төрийн хөрөнгийн оруулалтын сан 67 хувийг эзэмшдэг бөгөөд тус компани Персийн булангийн хамгийн том уурхайчин юм. 2023 оны нэгдүгээр сард Төрийн хөрөнгө оруулалтын сантай хамтарсан Манара Минералс олон улсад уул уурхайн хөрөнгө оруулалт хийхээ зарласан. Энэ нь 2030 онд Саудын Араб газрын тосны хараат байдлаас гарах хөтөлбөрийн нэг хэсэг юм.
Тайлбар: Өндөр агуулгатай уурхайн алтны хүдрийн нягт тонн тутам 8-10 грамм, бага агуулгатай уурхай 1-4 грамм байдаг.
