Рио Тинто группийн Гүйцэтгэх захирал Якоб Стаусхолм Вашингтон хотноо АНУ-ын сенаторууд, конгрессменүүдтэй уулзана гэдгээ мэдэгджээ. Энэ нь дэлхийн хоёр дахь том уул уурхайн компанийн удирдлага АНУ-ын шинэ Ерөнхийлөгчийн тарифын бодлогыг нухацтай авч үзэж буйг харуулсан чухал алхам гэж шинжээчид үзэж байна. Д.Трамп АНУ-ын хөнгөн цагааны импортод гуравдугаар сараас 25 хувийн татвар ногдуулахаар шийдвэрлэсэн.
Рио Тинто нь АНУ-ын зах зээлд хөнгөн цагааны хамгийн том нийлүүлэгч юм. Тухайн металлын 3.3 сая тонн үйлдвэрлэлийнхээ тал орчим хувийг өнгөрсөн жил Канадад үйлдвэрлэжээ. Мөн 2023 онд АНУ-д дахин боловсруулсан хөнгөн цагаан үйлдвэрлэдэг Matalco-ийн 50 хувийг худалдаж авсан.
Судалгааны Harbor Intelligence-ийн мэдээллээр, Канад улс боловсруулаагүй хөнгөн цагааны импортын 70 орчим хувийг эзэлж байна.
2018 онд Д.Трамп анхны бүрэн эрхийн хугацаандаа Канадын хөнгөн цагааны импортод ногдуулсан 10 хувийн татварыг Рио Тинто эрс эсэргүүцэж байсан. Тухайн үед Америкийн Хөнгөн цагааны ассоциаци, Alcoa болон бусад компаниуд худалдааны чухал түнш Канадыг татвараас чөлөөлөх ёстой гэж гэж үзсэн.
