Аж үйлдвэр, эрдэс баялгийн сайд Г.Дамдинням “Монгол газрын тос боловсруулах үйлдвэр” ТӨХК-ийн удирдлагуудтай уулзаж, төслийн хэрэгжилтийн явц болон тулгамдаж буй асуудлын талаар санал солилцсон (2025.07.01) байна.
Уулзалтын үеэр “Монгол газрын тос боловсруулах үйлдвэр” ТӨХК-ийн гүйцэтгэх захирал Д.Алтанцэцэг төслийн хэрэгжилтийн талаар танилцууллаа. Тэрээр “Төслийн EPC-01 багц ажил 2024 онд бүрэн дууссан. Мөн үйлдвэрийн үндсэн байгууламжуудыг хамарсан EPC-02 болон EPC-03 багц ажлууд, түүхий тос дамжуулах хоолойн барилга угсралтын ажил төлөвлөсөн графикийн дагуу үргэлжилж байна.
Харин хамгийн сүүлийн шатны буюу EPC-04 багц ажил–лицензтэй технологийн байгууламжуудын инженерчлэл, барилга угсралтын ажлын гүйцэтгэгч компанийг 2023 онд сонгон шалгаруулсан хэдий ч, төслийн нэмэлт санхүүжилтийн асуудал шийдвэрлэгдэхэд удаашрал гарсан.
Уулзалтын үеэр АҮЭБ-ийн сайд Г.Дамдинням "Монгол газрын тос боловсруулах үйлдвэр"-ийн бүтээн байгуулалт нь стратегийн ач холбогдол бүхий төсөл болохыг онцлоод, төсөлтэй холбоотой асуудлыг шийдвэрлэх, шаардлагатай дэмжлэг үзүүлэх чиглэлээр хамтран ажиллахаа илэрхийлсэн гэж АҮЭБЯ-наас мэдээлэв.
