Монгол Улсын Тэргүүн шадар сайд Н.Учрал, Зам тээврийн сайд Б.Дэлгэрсайхан нарын бүрэлдэхүүнтэй, Экспортыг нэмэгдүүлж худалдааг дэмжих ажлын хэсэг Ганцмод боомтод өчигдөр (2025.09.29) ажилласан байна.
Тус ажлын хэсэг хил холболтын төмөр замын ажлын явцтай танилцаж, БНХАУ-ын ӨМӨЗО-ны Ардын Засгийн газрын дэд тэргүүлэгч Ян Жин тэргүүтэй удирдлагуудтай уулзжээ. Уулзалтаар Монгол Улсын Засгийн газраас хэрэгжүүлж буй гадаад худалдааны эргэлтийг нэмэгдүүлэх, уул уурхайн бүтээгдэхүүний, ялангуяа нүүрсний экспортыг нэмэгдүүлэх бодлого, арга хэмжээний талаар санал солилцсон аж.
Мөн шинэ Засгийн газар байгуулагдсан хугацаанд нүүрсний худалдааг биржээр арилжих, хил гаалийн үйл ажиллагааг уян хатан зохион байгуулах, тээвэрлэлтийн хурдыг нэмэгдүүлэх зэрэг бодит үр дүн гарсныг онцолжээ.
