2025 оны нэгдүгээр сарын урьдчилсан гүйцэтгэлээр аж үйлдвэрийн салбарын үйлдвэрлэл ₮2.6 их наядад хүрсэн байна. Энэ нь өмнөх оны мөн үеэс ₮158.9 тэрбум буюу 6.6 хувиар өссөн гэж Үндэсний статистикийн хорооноос мэдээллээ.
Аж үйлдвэрийн өсөлтөд цахилгаан, хий, агааржуулалтын салбар 28.1 хувь, ус хангамж, хүрээлэн буй орчныг дахин сэргээх салбар 12.9 хувь, уул уурхай, олборлох салбар 8.1 хувиар өссөн нь голлон нөлөөлсөн байна. Харин боловсруулах салбар 6.5 хувиар буурчээ.
Нийт аж үйлдвэрийн салбарын өсөлтөд уул уурхай, олборлолт ₮131 тэрбумаар голлон нөлөөлсөн. Үүнээс металлын хүдэр олборлолт, чулуун, хүрэн нүүрсний олборлолт дийлэнх нөлөөг үзүүлжээ. Харин газрын түүхий тос, байгалийн хийн олборлолт ₮8 тэрбумаар буурсан байна.
Боловсруулах салбарын үйлдвэрлэл нэгдүгээр сард ₮518.3 тэрбумаар буурчээ.
