Дэлхий дахинд эрэлт өсөж буйтай холбоотойгоор Хятад улс газрын ховор элемент олборлох жилийн квотыг 25 хувиар нэмэгдүүлжээ. Улмаар өнгөрсөн онд ховор элемент олборлох хэмжээ 168 мянган тонн байсан бол квотыг нэмэгдүүлж 210 мянган тонн байхаар тогтоож байна. Газрын ховор элементийг хайлуулах, ялгах квотыг 202 мянган тонн гэж тогтоосон нь жилийн өмнөх 162 мянган тонноос 24.7 хувиар өсжээ.Тус улс сүүлийн 5 жил дараалан газрын ховор элемент олборлох квотоо нэмэгдүүлж байгаа юм. Жилд 2 удаа танилцуулдаг газрын энэхүү квотыг мэдээллийг нийлүүлэлтийн үзүүлэлт болгож олон улсын худалдаачид анхааралтай ажигладаг. Хятад нь ашигт малтмалын 17 төрлийн бүлэгт багтах ховор элементийн үйлдвэрлэлээр дэлхийд тэргүүлэгч орон.
