Засгийн газрын 2023 оны гуравдугаар сарын 22-ны өдрийн 103 дугаар тогтоолоор байгуулагдсан Аж үйлдвэржилтийн үндэсний хороо (АҮҮХ) анхны хуралдаанаа зохион байгуулжээ. Тус хороог УУХҮ-ийн сайд Ж.Ганбаатар ахалж байна.
Анхны хуралдаанаар хорооны ажиллах дүрмийг баталж, 2023 онд хэрэгжүүлэх үйл ажиллагааны төслийг хэлэлцжээ. Хорооны дэргэд нүүрс гүн боловсруулах, зэс, хар төмөрлөг, хөнгөн аж үйлдвэрийн чиглэлийн 4 дэд хороо байхаар тогтсон байна.
Үндэсний хороо аж үйлдвэржилтийн салбарт эхний ээлжинд бодитоор хэрэгжихүйц төслийг сонгож, нэмүү өртөг шингэсэн, эцсийн бүтээгдэхүүн үйлдвэрлэх ажлыг эрчимжүүлэх зорилготой.
Эх сурвалж: УУХҮЯ
