Э.МИШЭЭЛ
Уул уурхайн бүтээгдэхүүний биржийн арилжааны 2024 оны эхний долоон сарын тоймыг хүргэж байна.
Өнгөрсөн хугацаанд 517 дуудлага арилжааны хуваарь зарласнаас 382 амжилттай арилжаа явагдлаа. Үүнээс нүүрсний 215, төмрийн хүдэр, баяжмалын 164, зэсийн баяжмалын 2, хайлуур жоншны баяжмал 1 удаа арилжсан байна.
НҮҮРС
Зургаадугаар сард нүүрсний арилжаа 1.2 сая тонн хүртэл буураад байсан бол өмнөх сард арилжааны тоо бага ч 147 мянган тонноор өсжээ. Энэхүү өсөлтөд “Тавантолгой” ХК 736 мянган тонн дэгдэмхий бодис дунд, коксжих нүүрсний дуудлага худалдаа хийсэн нь нөлөөлсөн. Тус компани тавдугаар сараас хойш 7 удаа амжилттай арилжаа хийжээ.
Нүүрс | Арилжааны тоо | Хэмжээ (тн) | Үнийн дүн (тэрбум) | Үнийн өсөлтийн хувь |
1-р сар | 22 | 1,504,000 | 625.5 | 11.7 |
2-р сар | 24 | 2,438,400 | 1,231.5 | 14 |
3-р сар | 22 | 1,280,000 | 534 | 8.4 |
4-р сар | 34 | 4,185,600 | 1,724.8 | 9.8 |
5-р сар | 55 | 3,923,200 | 1,382,4 | 8 |
6-р сар | 31 | 1,222,400 | 367.1 | 12.7 |
7-р сар | 27 | 1,369,600 | 679.2 | 4.4 |
Нийт | 215 | 15,923,200 | 5,162.1 | - |
Тайлбар: 7-р сарын ханшийг Монголбанкны 2024.08.02 өдрийн ханшаар тооцов.
Биржээр арилжсан нүүрсний үнийн өсөлтийн дундаж хувь хоёрдугаар сар, зургаадугаар сард өндөр байсан. Үүнд “Эрдэнэс Тавантолгой” ХК-ийн 1/3 коксжих нүүрс нөлөөлжээ.
ТӨМРИЙН ХҮДЭР, БАЯЖМАЛ
Долоодугаар сард төмрийн хүдэр, баяжмалын арилжаанд “Монголросцветмет” ТӨҮГ-ын төмрийн хүдэр FE-52% гэсэн бүтээгдэхүүнээр оролцсон. Нийт 19 дуудлага арилжааны хуваарь зарласнаас 16 нь амжилттай явагджээ.
Төмөр | Арилжааны тоо | Хэмжээ (тн) | Үнийн дүн (тэрбум) | Үнийн өсөлтийн хувь |
1-р сар | 16 | 102,000 | 30.1 | 1.7 |
2-р сар | 32 | 200,700 | 50.2 | 3.7 |
3-р сар | 11 | 56,100 | 14.6 | 0.28 |
4-р сар | 23 | 175,800 | 39.74 | 6.4 |
5-р сар | 37 | 278,400 | 68.1 | 8 |
6-р сар | 29 | 167,100 | 39 | 12.7 |
7-р сар | 17 | 52,800 | 11.9 | 4.4 |
Нийт | 165 | 1,032,900 | 253.6 | - |
Тайлбар: 7-р сарын ханшийг Монголбанкны 2024.08.02 өдрийн ханшаар тооцов.
Төмрийн хүдэр, баяжмалын арилжаанд тавдугаар сард хамгийн өндөр хувьтай гарсан. Энэ нь "Дарханы Төмөрлөгийн Үйлдвэр" ХХК төмрийн хүдэр FE-58%, "Монголросцветмет" ТӨҮГ төмрийн хүдэр FE-52% гэсэн хоёр бүтээгдэхүүн нөлөөлсөн байна.
БУСАД
Зэс | Арилжааны тоо | Хэмжээ (тн) | Үнийн дүн (тэрбум) | Үнийн өсөлтийн хувь |
4-р сар | 1 | 3,000 | 19.6 | 0 |
5-р сар | 1 | 3,000 | 20.84 | 0 |
Нийт | 2 | 6,000 | 40.4 | - |
Жонш | Арилжааны тоо | Хэмжээ (тн) | Үнийн дүн (тэрбум) | Үнийн өсөлтийн хувь |
6-р сар | 1 | 4,355 | 5.3 | 0 |
Нийт | 1 | 4,355 | 5.3 | - |
Монголын хөрөнгийн биржээр наймдугаар сарын 16 хүртэл 30 дуудлага арилжааны хуваарь зарлажээ.
Эх сурвалж: МХБ
