Үр өгөөж гэдэг нэр томьёо, ойлголтыг мэргэжлийн үүднээс судалгаа, тооцоотой тайлбарлах зайлшгүй шаардлага тулгарч байгаа энэ үед “Майнинг Инсайт” сэтгүүл нь сэтгүүлийн Бодлогын зөвлөлтэйгээ хамтран “Уул уурхайн ордын эдийн засгийн үр өгөөж гэж юуг хэлэх вэ” бодлогын хэлэлцүүлгийг зохион байгуулсан. Стратегийн ач холбогдолтой 17 ордоос гадна уг ангилалд “нэр дэвшигч” 39 ордыг ашигт малтмалын төрөл, ач холбогдлоор нь ялгах нь чухал. Цахилгаан станцын хэрэглээний нүүрс нийлүүлдэг уурхай, барилгын материалын үйлдвэрлэлийн түүхий эд болдог гөлтгөнө, шохойн чулууны гэх мэт ордуудыг өндөр үнэтэй экспортолдог коксжих нүүрс, зэсийн ордуудтай адилтган авч үзэх нь тохиромжгүй хэмээн уул уурхайн компаниуд, эдийн засагчид үзэж байна.
ЭЗБӨЧСТ-ийн Гүйцэтгэх захирал Ч.Отгочулуу "Өвөөгийнхөө төрсөн бууцыг хамгаалах зорилгоор лоббидсон орд, Түгээмэл ашигт малтмалын тухай хуулиар зохицуулах боломжтой, үйлдвэрлэлийн дайвар шинжтэй түүхий эдийн жижиг ордуудыг 39 ордын жагсаалтад оруулсан байсан. 2007 онтой харьцуулбал бид уул уурхайн талаар мэдлэг, чадвар, туршлагатай болсон учир Стратегийн ордын тухай тогтоолыг өөрчлөөсэй, ядаж хуульдаа нийцүүлээсэй гэж бодож байна"
