Өнөөдөр (2023.09.25) “Эрдэнэс Тавантолгой” ХК 20 сая дахь тонн нүүрсээ хилээр гаргасан гэж мэдээллээ. Энэ нь сүүлийн 51 хоногт 4 сая тонн нүүрс хилээр гаргасан үзүүлэлт болжээ. ЭТТ нь 2023 онд 169891 рейс хийж, 70 худалдан авагч, 213 тээврийн компанитай хамтран ажиллаж байна.Одоогоор E-Commodities Holdings & Xianghui Energy, Glory Town Holdings Co.,LTD, Chalco Trading Hong Kong Co.,LTD, Jasn International PTE, LTD гэсэн дөрвөн компани Тавантолгой уурхайгаас 1.5 саяас дээш тонн нүүрс ачжээ.
20 сая тонн нүүрс хилээр гаргасан нь өнгөрсөн оноос 56 хувиар өссөн үзүүлэлт болсон. Тус компани оны эхний 8 сарын байдлаар улсын төсөвт 1.5 их наяд төгрөгийн татвар, төлбөр, хураамж төвлөрүүлээд байгаа юм.
